حف الحواجب

السلام عليكم

بالله النسوان يحفون الحواجب حتى تطلع اعيونهم حلوه مثل البومه ميخالف
بس الولد يحفون ويعدلون الحواجب هاي شلون بالله يحفون الوجنات مالتهم
يعني بيها مجال ميخالف حقهم الدستوري يضمن حقوقهم في حف الوجنات
في ظل البلد الديمقراطي الفدرالي


البارحه خابرت ام عباس اسئلها عن شوربه العدس اسئلها كم عدسايه احطلها
للشوربه طولت المخابره اربع ايام كل ما اسئلها سؤال اتسويه من يربح المليون
كل جواب تنطيني اربع خيارات لعبت نفسي بالاخير قبل ما اسده سئلتها عن ابو عباس
شلونه وينه كالت والله راح للحلاق يعدل ويحف حواجبه كتلها شنو كالت يحف كتلها
ليش جان تكول حتى وجهه يصير بيه رونق كتلها لا بالله يصير بيه رونق كتلها
لعد ليش مايسويها بالبيت من تجي الحفافه مالتكم كالت مو الحفافه مالتي الدكتوره
سعاد عوره ما اطلع الحواجب عدله يعني اني من تحفلي اطلع عبالك القرصان
الاسود حاجب صاعد وحاجب طايح واطلع كولش مو حلوه مو مثل ابو عباس
من يحف يطلع بوجهه رونق


زين الرجال اليوم يحف وباجر يمكن تلكاه بالمطبخ يفور شكر ويسوي شيره
هماتين يعني هاي كلها حتى يصير حلو مع الاسف العتب مو عليه العتب
على البنات من تشوف واحد حاف وجهه من الحواجب تكله واو الله يخبل
زبده مع الاسف هسه الشيره تعور اتخوف شلون بيهم خطيه الزلم
__________________
[ندعوك للتسجيل في المنتدى أو التعريف بنفسك لمعاينة هذه الصورة]

هسة انت متحف حواجبك ههههههههههههه ما اصدك

مشكورين شباب على المرور