الحب من طرف واحد هل هو صادق ام لا

موضوع اليوم : الحب من طرف واحد
هل هو خطا القلب ام تراكم ظنون وافكار
طبعا الموضوع مبين من عنوانة وميحتاج اي شرح حتى نتناقش بيه ؟

البارحة جنت احجي وية ناس وانطرح هذا الموضوع ومتوصلنه لاي نتيجة
اني جنت اكول الحب من طرف واحد حب حقيقي وصادق بس صعب التعامل ويا لان راح يحمل الشخص معاناة كثيرة بالتفكير لانه راح يتعامل وية كل حركة او كلمة من الشخص المقابل على انه حب وهذا الانسان راح يبقى بحيرة لان بس يريد يعرف مشاعر هذا الانسان
الي ديحبه ؟؟؟؟؟

اما الناس الي حجيت وياهم جان عدهم غير رأي طبعا؟؟

ف انتو شنو رايكم بالحب من طرف واحد؟
وهل اكثر من تقع بهاي المشكلة هي الفتاة باعتبارها اذا انعجبت بشخص او حبته ف مراح تكدر تصارحه بس ممكن تلمحله ومن يكول هذا الانسان بالذكاء المطلوب
حتى يفتهم تلميحاتها الغير مباشرة؟؟؟؟؟؟؟؟؟؟

وهل تتوقعون انه الولد هم تصدف ويحب من طرف واحد؟ زين شنو الي يمنعه من ان يصارح الانسانة الي يحبها؟؟؟؟؟؟

زين هل المقابل ايحس بانه اكو احد يحبه لو ننو ياتورى؟

اذا نحاول نشوف ردودكم الحلوة ونتاقش بيها اوكي